Skont l-ewwel informazzjoni li kiseb dan is-sit jidher li l-anzjana kienet qiegħda taqsam fi Triq l-Isqof Scicluna f’Ħal Qormi meta sfat imtajra minn trakk li kien qiegħed jirreversja.
Aktar kmieni dalgħodu raġel tilef ħajtu wara li safa maqbud f’ħabta frontali ma’ trakk fi Triq l-Imdina f’Ħaż-Żebbuġ.
Intant fl-inċident li seħħ f’Ħal Qormi għall-ħabta tas-1.45pm, mietet anzjana ta’ 77 sena residenti Ħaż-Żebbuġ. Hija sfat imtajra minn Vann Isuzu li kien misjuq minn raġel ta’ 34 sena residenti l-Birgu.
Fuq il-post issejjaħ tim mediku sabiex jassisti, iżda sfortunatament l-anzjana kienet iċċertifikata mejta.
Ix-xufier tal-vann ittieħed l-Isptar Mater Dei permezz t’ambulanza għall-osservazzjoni.
Bil-każ kien infurmat il-Maġistrat Dr Joseph Mifsud LL.D li fetaħ inkjesta filwaqt li l-Pulizija għaddejja bl-investigazzjonijiet fuq il-każ.
