Kien għall-ħabta tat-3.15pm meta l-Ħaddiema tal-Protezzjoni Ċivili ġew informati li fil-Qbajjar f’Marsalforn kien hemm appartament li kien qiegħed jieħu n-nar.
Għall-ewwel ma kienx magħruf jekk hemmx persuni maqbudin f’dan l-appartament u għalhekk fuq il-post issejjaħ tim mediku b’ambulanza mil-Isptar Ġenerali t’Għawdex biex ikun jista’ jagħti l-ewwel għajnuna f’każ ta’ bżonn.
Il-ħaddiema tal-Protezzjoni Ċivili rnexxielhom jikkontrollaw in-nirien li kien hemm filwaqt li mill-istess appartament ġie salvat qattus.
Fuq il-post issejħu tal-Annimal Walfare fejn mill-ewwel beda jagħtu l-għajnuna lil qattus li kien għadu kemm ġie salvat.
S’issa jidher li ħadd ma weġġa’ f’dan l-inċident filwaqt li l-pulizija qegħdin jinvestigaw.
It-triq ġiet magħluqa għat-traffiku.
