Hekk kif ilbieraħ ġiet iċċelebrata l-festa liturġika ta’ San Nikola fis-Siġġiewi, irritornat ukoll il-festa tradizzjonali tat-tfal fejn spikka l-entużjażmu tat-tfal għal din iċ-ċelebrazzjoni li tmur lura għal bosta snin.
Kmieni lbieraħ filgħodu saret purċissjoni li bdiet mill-Iskola Primarja tas-Siġġiewi, bi grupp sabiħ ta’ tfal jakkumpanjaw u jerfgħu l-istatwa ċkejkna ta’ San Nikola, sal-Knisja Arċipretali.
Din iċ-ċelebrazzjoni laħqet il-qofol tagħha proprju fil-pjazza bid-daqq taż-żewġ baned Siġġiwin.
