Il-President ta’ Napoli Aurelio De Laurentiis jinsab taħt investigazzjoni għal kontabbiltà falza fil-ftehim għall-iffirmar ta’ Victor Osimhen fl-2020.
Il-media Taljana qed tirrappurtaw li l-Prosekutur ta’ Ruma poġġa lil De Laurentiis taħt investigazzjoni għal allegati kotba finanzjarji foloz.
L-investigazzjoni tikkonċerna l-ftehim ta’ Napoli biex jiffirma lil Osimhen mill-club Franċiż ta’ Lille fl-2020.
L-attakkant Niġerjan mar jilgħab fi Stadio Maradona għal €71.2 miljuni iżda €20.1 miljuni minnhom kienu “magħmula” minn erba’ players mibgħuta bi skambju. Is-suspett huwa li l-pagi tal-players kienu stmati żżejjed sabiex jintefħu l-qligħ kapitali.
Il-Pulizija Finanzjarja tal-Italja, Guardia Di Finanza, ġabret dokumenti dwar il-ftehim bejn April u Ġunju 2023 f’isem l-Uffiċċju tal-Prosekutur Pubbliku ta’ Napli bi tfittxijiet f’Castel Volturno, Ruma u Franza.
L-investigazzjoni ta’ De Laurentiis hija obbligu legali wara li l-Uffiċċju tal-Prosekutur ta’ Napli bagħat id-dokumenti f’Ruma, fejn huwa bbażat FilmAuro ta’ De Laurentiis.
Napoli kienu tneħħew minn allegazzjonijiet fi proċess sportiv dwar qligħ kapitali minfuħ f’April 2022.
