Ir-relazzjoni ħażina qed dejjem tikber bejn il-coach ewlieni ta’ Manchester United, Erik Ten Hag, u Jadon Sancho. Il-koppja kienu nvoluti f’nuqqas ta’ qbil ta’ profil għoli matul l-aħħar ftit ġimgħat, li jidher li se jiswa lil dan tal-aħħar postu fl-ewwel team.
Sancho wasal mingħand Borussia Dortmund fl-2021 b’ħafna aspettattivi, iżda kien żmien diffiċli għall-internazzjonali Ingliż. Huwa kien qed jittama li jerġa’ jqajjem il-karriera tiegħu dan l-istaġun, iżda Ten Hag ma jidhirx li se joqgħod fuqu, u semma’ kwistjonijiet fit-taħriġ bħala r-raġuni ewlenija.
Tluq minn Old Trafford qed jidher dejjem aktar probabbli, u bosta clubs se jkunu qed iżommu taħt għajnejhom is-sitwazzjoni. Wieħed minn dawn huwa dak ta’ Barcelona, li jinsabu interessati li jiffirmaw lil Sancho b’self.
Barcelona jaraw lil Sancho bħala xi ħadd li jikkontribwixxi fuq il-faxxa laterali xellugija, li hija pożizzjoni fejn m’għandhomx wisq profondità wara t-tluq ta’ Ez Abde u Ansu Fati ma’ Real Betis u Brighton rispettivament.
Jekk iseħħ, il-possibbiltá ta’ ftehim ikun kemmxejn ikkumplikat ħafna għal Barcelona, b’Sancho bħalissa jinsab b’kuntratt ta’ qligħ kbir mal-United. Huma jkunu jeħtieġu li t-team tal-Premier League jħallas il-maġġoranza tal-pagi sabiex titlesta din l-operazzjoni. Iżda f’dan l-istadju, dan jidher improbabbli.Bar
