Bayern Munich kisbu rebħa ta’ 2-1 barra minn darhom kontra Mainz biex komplew isaħħu posthom fil-quċċata tal-Bundesliga.
Joshua Kimmich fetaħ l-iskor fl-14-il minuta b’xutt minn barra l-kaxxa, filwaqt li Lennart Karl irdoppja l-vantaġġ fis-57 minuta wara azzjoni mibdija minn Harry Kane.
Mainz naqqsu d-distakk fil-ħin miżjud permezz ta’ Phillip Tietz, iżda ma kienx biżżejjed biex jevitaw it-telfa.
Il-partita kienet immarkata wkoll minn injury għall-goalkeeper ta’ Bayern, Manuel Neuer, li kellu jinbidel qabel tmiem l-ewwel taqsima.
