Ilbieraħ beda t-tieni round tal-kampjonat tal-Ewwel Diviżjoni tal-boċċi, bl-aktar tim li qed jispikka hu Għaxaq, li komplew il-mixja brillanti tagħhom u rreġistraw it-12-il rebħa konsekuttiva biex baqgħu fil-quċċata tal-klassifika. L-Għaxqin għelbu lil Lija 21-10.
Msida laħqu lil St. Peter’s Żabbar fit-tieni post tal-klassifika b’disa’ punti wara li rebħulhom 21–13 filwaqt li Santa Venera kisbu rebħa 21–18 kontra Bugibba. Żejtun għelbu lil Qormi San Bastjan 21–6 u komplew isaħħu posthom fit-tielet post tal-klassifika.
San Ġwann kellhom rebħa kbira ta’ 21–3 kontra Żebbuġ, filwaqt li Birkirkara rebħu 21–18 barra minn darhom kontra Żurrieq.
KLASSIFIKA – L-EWWEL DIVIŻJONI TAL-BOĊĊI
Għaxaq 12, Msida, St Peter’s Żabbar 9, Żejtun 8, Żurrieq, Lija 6, Birkirkara, Santa Venera 5, San Ġwann 4, Buġibba, Qormi San Bastjan 3, Żebbuġ 2.