Il-kowċ ta’ Borussia Dortmund Nuri Sahin talab lid-diriġenti tiegħu sabiex isaħħulu t-tim. Huwa talabhom sabiex iġibu lil Carney Chukwuemeka, żagħżugħ ta’ 18-il sena li jilgħab bħala plejer ta’ nofs il-grawnd u wkoll bħala winger fuq in-naħa xellugija tal-grawnd.
Chukwuemeka ngħaqad mal-Blues fl-istaġun li għadda u skorja gowl fi 23 partita. Hu wkoll membru attiv fit-tim nazzjonali Ingliż taż-żgħażagħ.
