Anzjana ddaħħlet l-Isptar Ġenerali t’Għawdex wara li aktar kmieni għall-ħabta tal-3:45 p.m kienet involuta f’inċident tat-traffiku fi Triq il-Kunċizzjoni fil-Qala Għawdex.
Mill-ewwel informazzjoni li kiseb dan is-sit jidher li l-anzjana – Ġermaniża ta’ 72 sena – kienet qiegħda ssuq ir-rota meta ntlaqtet minn quadbike fl-imsemmija triq.
Fil-post issejjaħ tim mediku u ambulanza li ħadu lill-mara lejn l-Isptar għal aktar kura. S’issa għadha mhix magħrufa l-kundizzjoni tagħha.
L-investigazzjonijiet tal-Pulizija għadhom għaddejjin.
