Cristiano Ronaldo gawda minn sena kalendarja tassew notevoli, wara li skorja aktar goals minn players bħal Kylian Mbappe, Erling Haaland u Harry Kane.
L-istilla Portugiża ngħaqad ma’ Al-Nassr f’Jannar u minn dakinhar qatt ma ħares lura. Kemm għall-club kif ukoll għall-pajjiż, Ronaldo kien magna tal-goals matul l-2023.
Filwaqt li jista’ ma jibqax jilgħab f’wieħed mill-kampjonati elite tal-Ewropa, in- numri li qed ikompli jtella’ fl-Arabja Sawdija huma assolutament tal-ġenn.
Ronaldo skorja t-53 goal tas-sena fir-rebħa ta’ 5-2 ta’ Al-Nassr fuq ir-rivali Al-Ittihad.
B’mod tal-għaġeb, din is-sena issa kienet l-aktar prolifika ta’ Ronaldo mill-2017 meta skorja xejn inqas minn 53 goals.
Flimkien man-numri tiegħu ma’ Al-Nassr, Ronaldo kien ukoll f’forma tajba għall-Portugall. Il-player ta’ 38 sena irnexxielu jiskorja 10 goals fix-xena internazzjonali din is-sena.
Mhuwiex sigriet li Ronaldo huwa tiratur qawwi mill-penalty spot u kien kliniku bħal qatt qabel din is-sena billi skorja l-15-il goal mill-11-il metru.
Ir-rekord tiegħu tal-free-kicks lanqas ma ġie megħlub peress li rnexxielu jiskorja tlieta minnhom din is-sena wkoll.
Għall-club u għal pajjiżu, il-medja ta’ goals kienet dik ta’ wieħed kull 74.9 minuta.
Filwaqt li l-attakkant Portugiż mhux magħruf l-aktar għall-ħiliet kreattivi tiegħu, huwa pprovda ħafna assists din is-sena wkoll. B’kollox, Ronaldo pproduċa 15-il assist li huwa l-aqwa ritorn kreattiv tiegħu mill-2016.
Grazzi għall-forma prolifika tiegħu ta’ dan l-aħħar, Ronaldo tella’ l-ammont totali tal-karriera tiegħu għal 872 goal.
Jekk jirnexxielu jżomm din it-tip ta’ konsistenza għas-snin li ġejjin u sakemm jibqa’ jilgħab minħabba li issa għandu 38 sena, hemm antipazzjoni li jista’ jilħaq it-total ta’ 1,000 goal.
Barra minn hekk, huwa qed jimmira li jkompli jirbaħ aktar unuri … bl-ewwel wieħed ma’ Al Nassr ikun it-Tazza taċ-Champions tal-Clubs Għarab.
Issa, l-objettiv tiegħu huwa li jirbaħ is-Sawdi Pro League għalkemm wieħed irid jistqarr li t-team tiegħu jinsab seba’ punti taħt il-leaders Al-Hilal meta kull team irid jilgħab 34 partita.
Aktar minn hekk, fis-sajf li ġej tintlagħab il-fażi finali tal-Euro 2024 li se ssir fil-Ġermanja. Din se tkun l-aħħar waħda ta’ Ronaldo qabel jirtira mill-karriera.
Bosta huma dawk li qed jantiċipaw li huwa se jkollu mpatt qawwi għal pajjiżu biex isellem lit-team nazzjonali fuq nota pożittiva.
Ir-rekords kollha tiegħu ta’ din is-sena:
Al-Nassr
Partiti: 49
Goals: 43
Assists: 13
Penalties: 12
Free-kicks: 2
Hat-tricks: 3
Minuti għal kull goal: 101.6
Minuti għall-kontribuzzjoni tal-goals: 78
Portugall
Partiti: 9
Goals: 10
Assists: 2
Penalties: 3
Free-kicks: 1
Hat-tricks: 0
Minuti għal kull goal: 72.4
Minuti għall-kontribuzzjoni tal-goals: 60.3
TOTAL
Partiti: 58
Goals: 53
Assists: 15
Penalties: 15
Free-kicks: 3
Hat-tricks: 3
Minuti għal kull goal: 96.1
Minuti għall-kontribuzzjoni tal-goals: 74.9
