Sudaniż ta’ 21 sena residenti San Ġiljan ntbagħat disa’ xhur ħabs wara li ammetta li għamel użu minn dokumenti maħruġa f’isem persuna oħra.
Maisere Holi Menne tressaq quddiem il-Maġistrat Yana Micallef Stafrace mixli li wettaq dan ir-reat nhar is-Sibt li għadda.
Huwa kien mixli wkoll li ta tagħrif falz lill-Uffiċjal Prinċipali tal-Immigrazzjoni u li sar reċediv billi wettaq reat wara sentenza mogħtija lilu fi Frar tas-sena li għaddiet.
Menne kkonferma fil-Qorti li huwa ħati tal-akkużi li nġiebu kontra tiegħu anke wara li ngħata ċans biex jaħsibha. Kien għalhekk li l-Qorti kkundannatu disa’ xhur priġunerija effettivi.
Il-Prosekuzzjoni tmexxiet mill-Ispettur Christian Abela. L-Avukat tal-għajnuna legali Josette Sultana dehret għal Menne.
