Friday, June 14, 2024

Euro 2024: Qtil fuq żewġ vittmi innoċenti fi Brussels

Aqra wkoll

Il-partita ta’ kwalifikazzjoni għall-Euro 2024 bejn Belġu u l-Isvezja ġiet abbandunata fil-mistrieħ għal raġunijiet ta’ sigurtà wara li żewġ partitarji Svediżi nqatlu b’tiri ta’ arma tan-nar fi Brussels.

Il-qtil seħħ fil-belt sigħat qabel il-logħba u qed jiġi ttrattat bħala terroriżmu. Il-qattiel ħarab minn fuq il-post u għadha għaddejja tfittxija għalih. 

Il-partitarji u l-players ġew ordnati joqogħdu fl-Istadium King Baudouin għas-sigurtà tagħhom stess, qabel ma bdiet l-evakwazzjoni sagħtejn u nofs wara. 

Imbagħad l-iskwadra Svediża ġiet eskortata mill-pulizija lejn l-ajruport, filwaqt li l-partitarji tal-Isvezja kienu akkumpanjati mill-pulizija fil-belt.

Il-coach tal-Isvezja, Janne Andersson, qal li hu u l-players saru jafu bl-isparatura biss waqt il-mistrieħ.

“Meta dħalna fid-dressing room, ingħatajt l-informazzjoni kollha. Immedjatament, ħassejt li kienet kompletament surreali biex inkomplu nilagħbu. X’tip ta‘ qed dinja ngħixu llum?” hu qal.

“Meta tkellimt mal-players kulħadd qabel biex ma nkomplux nilagħbu b’rispett lejn iż-żewġ vittmi u l-familji tagħhom.”

Għadu mhux magħruf jekk il-vittmi kienux Brussels biex jaraw il-partita ta’ kwalifikazzjoni għall-Euro 2024. Iżda kienu lebsin il-flokkijiet tal-Isvezja.

F’post fuq il-midja soċjali tal-FA Svediża qalet: “Ħsibijietna jmorru lejn il-qraba kollha ta’ dawk milquta fi Brussels.”

Stqarrija mill-FA Belġjana keinet tgħid: “Ħsibijietna huma ma’ dawk kollha affettwati.”

Filmat li ttella’ fuq il-midja soċjali wera raġel bil-lingwa Għarbija jgħid: “F’isem Alla!”

Wara l-isparatura li seħħet f’Boulevard d’Ypres, għall-ħabta tas-7.00 pm, il-pulizija u s-servizzi tal-emerġenza ċċirkondaw it-toroq fil-qrib.

Il-Prim Ministru Belġjan Alexander de Croo “offra l-kondoljanzi sinċieri tiegħi lil dak Svediż wara l-attakki li seħħ fuq ċittadini Svediżi fil-belt kapitali Belġjana. 

Huwa qal: “Ħsibijietna huma mal-familji u l-ħbieb li tilfu lill-maħbubin tagħhom. Il-ġlieda kontra t-terroriżmu hija waħda konġunta.”

L-iskor tal-logħba kien 1-1 meta ġiet abbandunata.

Il-captain tal-Isvezja Victor Lindelof qal: “Il-Belġju diġà huma kwalifikati u m’għandniex l-opportunità li naslu għall-Kampjonat Ewropew, għalhekk ma nara l-ebda raġuni biex nergġħu nilagħbu din il-partita.”

Ekonomija

Sport