Min-naħa tiegħu, il-Prim Ministru Robert Abela stqarr li llum issir l-istqarrija ministerjali, iwieġbu għad-domandi kollha li jsiru u jekk ikun hemm bżonn li jsir dibattitu, ikun hemm ġurnata addizzjonali sabiex dan id-dibatittu jseħħ.
“M’għandniex diffikultà li niġu hawn u niddibattu riforma storika, fejn se nispjegaw kif sewwejna u se nkomplu nsewwu d-dnubiet li għamel ħaddieħor fl-Air Malta,” qal il-Prim Ministru.
L-Ispeaker tal-Kamra tar-Rappreżentanti Anġlu Farrugia ssospenda l-Kamra sakemm jagħti d-deċiżjoni fuq it-talba tal-Oppożizzjoni.
