Mara li dehret li kienet ħabiba antika ta’ katavru f’kamra mortwarja fi Franza, irriżulta li kienet ir-rutina tagħha li tattendi f’dan il-post u ġġorr kulma tista’.
Meta avviċinata mill-qraba tal-vittma, il-mara li hu stamt li għandha madwar 60 sena, qalet li kienet ħabiba tagħha u b’hekk dawn ma xtaqux iċaħħduha milli tagħtiha l-aħħar tislima.
Ġara iżda li mar-ritorn tagħhom fejn it-tebut ntebħu li l-ġojjelerija kollha li kellha l-vittma kienu għebu. Il-qraba rrapurtaw minnufih dwar dan u wara ftit sigħat ġiet identifikata s-suspettata ewlenija li tgħix biss ftit metri bogħod mill-kamra mortwarja f’Liévin. Il-mara ġiet arrestata u l-ġojjelerija kollha nieqsa nstabet għandha.
Mhux biss. Minn tfittxija li saret fir-residenza tagħha nstabet kartiera li nsterqet lil katavru ieħor fl-istess ġurnata.
Barra minn hekk, il-mara nstabet fil-pussess ta’ kodiċi ta’ aċċess għal qraba ta’ katavri li kienu qegħdin fi proċess biex jitkeffnu u jkunu jistgħu jindifnu.
Il-mara mistennija titressaq il-qorti fix-xhur li ġejjin.
