“Għalfejn inti għid? Mhux ta’ b’xejn nistmerrhom il-muturi … kif se tfehemhom lil dawk iż-żewġt anġli li mhux se jkunu qegħdin jaraw iktar?” Dawn kienu uħud mill-ewwel kummenti li sellmu l-memorja ta’ Kurdt Busuttil.
Busuttil huwa r-raġel ta’ 28 sena minn Birżebbuġa li lbieraħ filgħaxija tilef ħajtu f’inċident bejn mutur u karozza f’Ħal Lija. Fil-post issejjaħ tim mediku li għamel kull mezz biex jgħin lill-vittma, iżda minkejja kull tentattiv huwa miet ftit wara l-wasla tiegħu fl-Isptar.
Busuttil huwa missier ta’ żewġt itfal u fl-aħħar ġimgħat xerred kitba fuq il-profil tiegħu fejn saħansitra rringrazzja lil dawk kollha li kienu ta’ sapport għalih biex għenuh joħroġ minn vizzju. Huwa rringrazzja lil Alla u esprima l-kuntentizza tiegħu għal diversi ġimgħat ‘il bogħod mill-vizzju.