Barcelona kienu interessati li jiffirmaw lill-attakkant ta’ Inter, Lautaro Martinez, matul is-sajf li għadda. Qabel ma għamel kuntatt uffiċjali ma’ Inter, il-club Spanjol ried ikun jaf jekk il-player kienx lest jingħaqad magħhom.
Skont rapporti mill-media Spanjola, Lautaro kien interessat bl-idea li jilgħab ma’ Barcelona. Madankollu, huwa kien lest jitlaq biss jekk it-trasferiment isir bi qbil bejn iż-żewġ clubs u mingħajr problemi ma’ Inter.
Minkejja l-interess ta’ Barcelona, Inter bl-ebda mod ma riedu jċedu lill-captain tagħhom. Il-club Taljan kien ċar mill-bidu li Lautaro kien parti importanti mill-pjani tiegħu u ma kienx disponibbli għat-trasferiment. Għalhekk, in-negozjati qatt ma mxew ’il quddiem.
Matul is-sajf kien hemm ukoll kuntatti diretti bejn id-direttur sportiv ta’ Inter, Beppe Marotta, u l-president ta’ Barcelona, Joan Laporta. F’dawn id-diskussjonijiet, Inter reġgħew għamluha ċara li ma kienu se jaċċetta l-ebda offerta għall-attakkant Arġentin.
Fl-aħħar mill-aħħar, Lautaro għażel li jibqa’ ma’ Inter, fejn huwa mhux biss il-captain tat-team iżda wkoll wieħed mill-aktar players importanti tal-club. L-attakkant għadu meqjus bħala l-wiċċ tal-proġett sportiv ta’ Inter u figura ewlenija fit-team.
Min-naħa tagħhom, Barcelona kellhom iduru lejn għażliet oħra biex issaħuħ l-attakk tagħhom. Il-limitazzjonijiet finanzjarji tal-club għamluha aktar diffiċli biex jitwettaq ftehim għal Lautaro, u għalhekk il-Katalani ffukaw fuq players oħra.
Minkejja l-interess li kien jeżisti fuq iż-żewġ naħat, it-trasferiment qatt ma seħħ u Lautaro baqa’ player ta’ Inter.
