Zabbar St. Patrick F.C. u l-kowċ Gilbert Agius qablu bi ftehim reċiproku li jtemmu l-kollaborazzjoni ta’ bejniethom.
Il-kowċ Gilbert Agius ħa t-tmexxija tat-tim f’mument partikolarment diffiċli, meta l-klabb ma kien kiseb l-ebda punt mill-ewwel ħames logħbiet tal-fażi finali tal-istaġun li għadda.
Huwa wera kuraġġ kbir meta aċċetta din l-isfida u, flimkien mal-istaff u l-iskwadra tiegħu, għen biex tinbidel is-sitwazzjoni u fl-aħħar mill-aħħar tiġi salvata l-pożizzjoni tal-klabb fil-Malta Premier League.
B’hekk, Zabbar kitbu kapitlu ieħor importanti fl-istorja tagħhom., u żgurajw li l-klabb jikkompeti fil-Malta Premier League għat-tielet staġun konsekuttiv.
Matul iż-żmien li mexxa lit-tim, Gilbert wera professjonaliżmu, dedikazzjoni u impenn kbir lejn il-klabb, u ta’ dan fi stqarrija Zabbar irringrazzjawh sinċerament għax-xogħol u l-kontribut tiegħu.
Zabbar St. Patrick F.C. awguraw lil Gilbert kull suċċess fil-kapitlu li jmiss tal-karriera tiegħu.
