Illum, għall-ħabta tas-1:30 a.m., il-Pulizija ġiet infurmata b’inċident
tat-traffiku fi Triq Mons. Mikiel Azzopardi, is-Siġġiewi.
Il-Pulizija marret minnufih fuq il-post u minn stħarriġ preliminari rriżulta li kienet seħħet ħabta bejn Audi A3 Sport misjuqa minn raġel ta’ 36 sena residenti s-Siġġiewi u Mazda 2 misjuqa minn ġuvni ta’ 19-il sena u jgħix Ħaż-Żebbuġ.
Fuq il-post issejjaħ tim mediku u ambulanza ħadet liż-żewġ sewwieqa l-Isptar Mater Dei. Iktar tard, huma ġew iċċertifikati li weġġgħu gravi.
L-investigazzjonijiet tal-Pulizija għadhom għaddejjin.
