Wieħed bilfors irid jitlaq mill-bażi li wiret Robert Abela. Elettoralment, ekonomikament u soċjalment. Ma nħossx li ghandi nkun jien li nagħti ġudizzju dwar dan u nħalli dan għal ħaddieħor.
Il-Covid ikkaratterizzat l-ewwel parti tat-tmexxija tiegħu. Kulħadd jirrikonoxxi li l-Gvern Laburista mmexxi minn Robert Abela ħa deċiżjonijiet tajbin li permezz tagħhom il-familji u negozji ta’ pajjiżna setgħu jibqgħu ħajjin minkejja li d-dinja waqfet. Il-poplu ppremja lill-Partit Laburista mmexxi minnu b’fiduċja ġdida fis-sena 2022.
L-isfida l-kbira li għandu quddiemu l-Gvern hi li jwettaq il-ħafna li wiegħed. Hemm bżonn li l-Gvern ikun iffukat biex jagħmel dan u ma jħallix il-logħba ta’ nies qrib l-Oppożizzjoni (li qed tirnexxi) li tiġġammja l-proċess ta’ deċiżjonijiet.
