Quddiem l-Imħallef Consuelo Scerri Herrera kompli jinstema’ il-ġuri b’rabta mal-qitl taż-żagħżugħ Brandon Pace, missier ta’ 3 itfal li kellu 21 sena u li kien magħruf bħala “Il-Galalli”.
Iż-żewġ akkużati huma Joseph Grech ta’ 61 sena u t-tifel tiegħu Kurt ta’ 31 sena magħruf bħala “in-Nemes”.
Fil-Qorti quddiem l-Imħallef Scerri Herrera xehed kuntistabbli tal-RIU, fejn qal li mar fir-residenza tal-imputati sabiex jarrestahom. Qal li kif wasal fuq il-post, l-iben qallu mill-ewwel li missieru ma kellu xejn x’jaqsam fl-argument u li kien hu biss li ta d-daqqiet bis-sikkina lil Pace.
Ix-xhud żied li Kurt kien midrub u beda jżomm sidru. Ingħad li minn tfittxijal i għamlet il-Pulizija fir-residenza tal-imputati, instabu xi garżi bid-demm, garżi li aktarx kien qed juża Grech minħabba l-feriti li kellu.
Fil-Qorti, xehed ukoll kuntistabbli ieħor, li spjega li meta l-Pulizija marru fil-post tal-akkużat, Lisa Pace, omm il-vittma bdiet tgħajjat ” Qatluwuli, Qatluwuli … In- Nemes, in-Nemes”.
