Il-bejgħ tal-club ta’ Chelsea ngħata d-dawl l-aħdar biex jiġi awtorizzat mill-awtoritajiet Ingliżi u għaldaqstant il-konsorzju Svizzeru-Amerikan immexxi minn Todd Boehly se jieħu f’idejh it-tmexxija tal-Pensioners.
Din l-aħbar ittemm kull inċertezza tal-futur tal-club wara li s-sid Russu, Roman Abramovich, kellu l-assi tiegħu ffriżati minħabba l-appoġġ tiegħu lejn il-President Russu Vladimir Putin, fl-invażjoni tal-Ukrajna.
Abramovich ġie mġiegħel ibigħ il-club, b’persentaġġ mid-dħul sejjer għall-pajjiż Ukren.
