Il-pjan biex it-Tazza tad-Dinja 2030 titkabbar minn 48 għal 64 team jinsab wieqaf minħabba l-elezzjoni presidenzjali tal-FIFA li se ssir f’Marzu li ġej.
Gianni Infantino allegatament informa lill-mexxejja tal-konfederazzjonijiet kontinentali li mhux se jkompli jimbotta din il-proposta jekk jerġa’ jiġi elett.
L-idea kienet tressqet mill-CONMEBOL biex jiġi ċċelebrat il-mitt anniversarju mill-ewwel Tazza tad-Dinja fl-1930.
Madankollu, il-proposta sabet oppożizzjoni, fosthom mill-UEFA, minħabba tħassib dwar il-kwalità tal-kompetizzjoni u ż-żieda fl-għadd ta’ partiti.
