Il-Malta FA se tospita l-Kampjonat Ewropew ta’ taħt id-19-il sena tal-UEFA 2023 mit-3 sas-16 ta’ Lulju, l-akbar tournament tal-football li se jittella’ f’pajjiżna sal-lum.
Meta fadal inqas minn 100 jum qabel il-bidu ta’ dan it-tournament, illum waranofsinhar tnieda l-Kampjonat Ewropew tal-UEFA ta’ taħt id-19-il sena waqt business lunch fis-Sala taċ-Ċentinarju f’Ta’ Qali.
Malta, li tikkwalifika awtomatikament bħala pajjiż ospitant, se tingħaqad ma’ seba’ timijiet nazzjonali oħra ta’ taħt id-19-il sena, jiġifieri l-Greċja, l-Iżlanda, l-Italja, in-Norveġja, il-Polonja, il-Portugall u Spanja, li għaddew għall-finali wara li rebħu l-gruppi rispettivi tagħhom tar-round elite.
Il-poloz tat-tournament finali se jsiru fid-19 ta’ April, 2023 fit-Teatru Manoel, u jibdew fis-1.00pm.
Il-Malta FA fis-snin li għaddew organizzat l-EURO U17 tal-2014, mirbuħa mill-Ingilterra li għelbu lill-Olanda bil-penalties fil-finali fl-Istadium Nazzjonali. Dik kienet l-unika okkażjoni preċedenti li fiha team nazzjonali Malti lagħab f’tournament finali tal-UEFA.
L-ospitar tal-aqwa avveniment internazzjonali tal-football jirrappreżenta wieħed mill-Għanijiet tal-Istrateġija tal-Malta FA 2020-24.
DATI TAL-PARTITI
Fażi tal-gruppi
L-1 ġurnata: 3/4 ta’ Lulju
It-2 ġurnata: 6/7 ta’ Lulju
It-3 ġurnata: 9/10 ta’ Lulju
Semi-finali
13 ta’ Lulju
Finali
16 ta’ Lulju
POSTIJIET
Stadium Nazzjonali – Kapaċità – 16, 907
Tony Bezzina Stadium – Kapaċità – 3,038
Centenary Stadium – Kapaċità – 3,000
Gozo Stadium – Kapaċità – 1,628
KUNĊETT TAL-BILJIET
Biljetti tal-Fażi tal-Gruppi – €5 | Biljetti Semi-Finali – € 6 | Biljetti Finali – €8
Logħob tal-Fażi tal-Gruppi Malta (3 Partiti) – Biljett Magħqud għal €10
Partita tal-Ftuħ + Finali (2 Logħbiet) – Biljett Magħqud għal €10
Offerta inkluża mal-bejgħ tat-tim Nazzjonali ‘A’ Malta vs England EURO 2024 (16 ta’ Ġunju) bħala żieda mal-biljetti normali.
AMBAXXATURI TAT-TOURNAMENT
L-ambaxxaturi tal-Kampjonat Ewropew tal-UEFA ta’ taħt id-19-il sena 2023 huma Michael Mifsud u Joseph Mbong.
Michael Mifsud huwa leġġenda tal-football Malti – huwa l-iktar player li qatt lagħab għal pajjiżna b’total ta’ 143 dehra u l-aqwa skorer ta’ kull żmien għat-tim nazzjonali bi 42 gowl.
Joseph Mbong, li jilgħab ma’ Hamrun Spartans, huwa player internazzjonali attwali ta’ Malta b’46 dehra mat-team nazzjonali sal-lum. Kien ukoll membru tat-team ta’ Malta ta’ taħt is-17-il sena fl-EURO U17 tal-2014.
GĦANIJIET EWLENIN
L-għanijiet ewlenin tal-Kampjonat Ewropew tal-UEFA ta’ taħt id-19-il sena 2023 huma li:
Tippromwovi l-kompetizzjoni
Timmassimizza l-attendenza tal-grawnd
Tagħti esperjenza ta’ avveniment mill-aqwa
Ittejjeb id-dħul
ATTIVITAJIET TAL-GRASSROOTS
Fit-tħejjija għat-tournament, il-Kumitat Organizzattiv se jingħaqad ma’ partijiet interessati oħra biex jorganizza serje ta’ attivitajiet tal-bażi, primarjament immirati għat-tfal.
Malta FA/IFF/Youth FA – U7 Tournament – 31 ta’ Marzu 2023
IFF Festival – U11 Tournament – 22 ta’ April 2023
IFF Festival – U13 Tournament – 8 ta’ April 2023
YFA Festival – U7 Tournament f’Marzu 2023
YFA Festival – U9 Tournament f’Mejju 2023 f’jumejn
Football fl-Iskejjel – Tournament Inter-iskejjel Sena 5 / Sena 6 – 10 ta’ Mejju 2023 (Centenary Stadium)
Festival tal-Iskejjel Primarji (Bniet) – Tournament Inter-Iskejjel Sena 4 / Sena 6 – 5 ta’ Mejju 2023 (Centenary Stadium)
Proġett Olimpjadi tal-Iskejjel (Bniet) – Tournament għall-Iskejjel U15 – 9 ta’ Mejju 2023 (Santa Venera)
Festival IFF (Bniet) – Tournament U11 + U14 – 1 ta’ April 2023 (Kulleġġ Missjunarju ta’ San Pawl)
SOSTENIBBILTÀ
F’konformità mal-Istrateġija ta’ Sostenibbiltà tal-Football tal-UEFA 2030, il-Kampjonat Ewropew ta’ Taħt id-19-il sena tal-UEFA tal-2023 se jappoġġja tliet miri importanti ta’ sostenibbiltà:
– Tnaqqis tal-użu ta ‘plastik li jintuża darba
– Użu ta’ mezzi elettriċi ta’ trasport
– Ġestjoni tal-iskart
