Il-Parlament sellem il-memorja tal-Aġent President ta’ Malta Francis Zammit Dimech, li ħalla din id-dinja fil-21 ta’ April li għadda fl-età ta’ 70 sena.
Il-karatteristiċi li kellu fil-karattru tiegħu Zammit Dimech, wieħed ma’ setax jarahom biss fil-ħajja professjonali, iżda anke fil-ħajja ta’ kuljum. Dan iddikjarah il-Prim Ministru Robert Abela, li ddiskriva lil Francis bħala bniedem serju, integru, u qatt ma ħabb il-konfront.
Ingħad ukoll li l-kariga ta’ Francis bħala Aġent President, kien jokkupaha b’sens ta’ kburija u l-pajjiż tilef ġentlom fil-politika.
Sellem ukoll il-memorja ta’ Francis Zammit Dimech, il-Kap tal-Oppożizzjoni Bernard Grech.
