Il-Premier League se jimponi regoli ġodda fuq is-sidien tal-clubs kontra dawk li jinstabu jwettqu abbużi tad-drittijiet tal-bniedem.
L-abbużi tad-drittijiet tal-bniedem, kif determinat mir-Regolamenti Globali tar-Renju Unit dwar is-Sanzjonijiet tad-Drittijiet tal-Bniedem, huma “skwalifika u sospensjoni” tas-sidien u tad-diretturi mill-ogħla diviżjoni fl-Ingilterra.
Individwi soġġetti għal dawn sanzjonijiet tal-gvern tar-Renju Unit se jiġu wkoll imkeċċija mill-pajjiż.
Dawn il-bidliet mistennija jiġu applikati immedjatament.
Il-Premier League emenda wkoll il-lista ta’ reati kriminali li jirriżultaw fi skwalifika, inklużi dawk li jinvolvu vjolenza, korruzzjoni, frodi, evażjoni tat-taxxa u reati ta’ mibegħda.
Huwa għandu se jkollu poter ġdid li jwaqqaf lil dawk li jixtiequ jsiru diretturi ta’ club jekk ikunu taħt investigazzjoni għal aġir li jirriżulta f’avveniment ta’ skwalifika jekk ikun ippruvat.
Il-grupp għad-drittijiet tal-bniedem Amnesty International qal li din il-mossa kienet “pass fid-direzzjoni t-tajba”, iżda wissiet li l-Premier League xorta qed jirriskja li jsir “ġugarell tal-isports” jekk ir-regoli ma jiġux implimentati kif suppost.
Il-Membru Parlamentari Konservattiv, Tracey Crouch, li kienet il-Ministru tal-Isport tar-Renju Unit bejn l-2017 u l-2018, qalet li dawn il-bidliet huma biss “duħħan”.
Ir-regoli l-ġodda, li ġew approvati unanimament f’laqgħa tal-azzjonisti, se jidħlu fis-seħħ fi żmien meta s-sjieda ta’ numru ta’ clubs tal-Premier League hija taħt skrutinju.
Il-bankier tal-Qatari, Sheikh Jassim, huwa fost l-offerenti biex jixtri lil Manchester United u l-prospett ta’ investiment mill-Qatar fi club tal-Premier League qajjem tħassib fost il-gruppi tad-drittijiet tal-bniedem u LGBTQ+.
It-trattament tan-nazzjon tal-ħaddiema migranti ġie kkritikat, filwaqt li l-atti omosesswali huma illegali fil-Qatar. Il-pieni jinkludu multi, sentenzi ta’ ħabs sa seba’ snin u anke mewt bit-tħaġġir.
Tracey Crouch staqsiet jekk ix-Sheikh Jassim, huwiex se jitħalla jkompli t-tenattivi tiegħu biex jixtri lill-club tar-Red Devils … kif ukoll is-sid ta’ Newcastle United, Yasir Al-Rumayyan, huwiex se jitħalla jkompli fit-tmexxija tiegħu.
Jekk dan iseħħ, allura l-Premier League se jkun “ġugarell” f’idejn dawn il-persuni li jiddettaw l-aġenda tagħhom minħabba l-qawwa tal-flus.
