Il-President Franċiż Emmanuel Macron sejjaħ laqgħa ta’ kriżi tal-Kabinett tiegħu minħabba n-nirien kbar li qegħdin jaħkmu l-forsti u li dejjem qegħdin jersqu aktar lejn il-belt ta’ Bordeaux.
Minħabba l-mewġa ta’ sħana li bħal donna ma trid tintemm qatt, il-ħidma tal-ħaddiema tat-tifi tan-nar qiegħda tkun dejjem aktar diffiċli.
Bħalissa in-nirien bħalissa jinsabu madwar 15-il kilometru ‘l bogħod minn Bordeaux.
Is-Sindku tal-belt, Thomas Cazenave, qal li għalissa m’hemm l-ebda pjan biex tiġi evakwata l-popolazzjoni ta’ madwar 850,000 persuna.
Fi tmiem il-ġimgħa l-President Macron wiegħed li dak kollu li nqered min-nirien se jerġa’ jinbeda mill-ġdid filwaqt li ħeġġeġ liċ-ċittadini biex ma jinjorawx it-twissijiet li joħorġu l-awtoritajiet.
