Sunday, March 16, 2025

Il-prezz tal-burger famuż Big Mac f’riskju li jogħla fil-prezz għall-Amerikani

L-Awstralja b’ritaljazzjoni għall-“gwerra tat-taxxi” introdotta minn Trump… Lesti jinnegozjaw

Carmen Cachia
Carmen Cachia
Ġurnalista

Aqra wkoll

L-introduzzjoni ta’ taxxi mħabbra u imposti mill-President Amerikan Donald Trump fuq diversi prodotti importati minn għadd ta’ pajjiżi jista’ jkollha konsegwenza fuq prodott maħbub u mfittex ħafna fl-Istati Uniti stess.

Dan wara li Don Farrell, il-Ministru għan-negozju Awstraljan, ippuntwalizza li l-maġġorparti taċ-ċanga Awstraljana li hija esportata fl-Istati Uniti tmur għall-katina famuża tal-McDonald’s. Konsegwenza ta’ dan, Farrell wissa li jista’ jkun li l-prezz tal-burger famuż Big Mac, jogħla fil-prezz għall-Amerikani stess.

L-introduzzjoni ta’ taxxi ġodda fuq diversi prodotti minn pajjiż għall-ieħor qiegħda twassal għal ritaljazzjoni u issa hemm biża li dawn se jkunu estiżi fuq prodotti tal-laħam u tal-agrikoltura.

Il-Ministru Farrell qal li, “kull taxxa fuq il-prodotti tagħna twassal għal żieda inevitabbli fil-prezz li l-Amerikani jħallsu għaċ-cheeseburgers u l-Big Macs tagħhom”. Huwa qal li se jkompli jinsisti ma’ Trump biex l-Awstralja tkun eżentata mill-aġenda tiegħu li jintroduċi taxxi ġodda fuq prodotti importati.

Farrell temm jassigura li se jinnegozja ma’ Trump ftehim attraenti li se jkun diffiċli li jirrifjuta.

ĦALLI RISPOSTA

Jekk jogħġbok ikteb il-kumment tiegħek!
Jekk jogħġbok iktebismek hawn

Sport