Il-qtil ta’ stewardess li kienet taħdem mal-linja tal-ajru tal-Filippini qed iqajjem ħafna mistoqsijiet. Hi instabet mejta f’banju f’lukanda wara party ta’ lejlet l-ewwel tas-sena. Minn investigazzjonijiet li saru ġie stabbilit li t-tfajla kienet Christine Angelica Dacer ta’ 23 sena,
Jidher li minn aktar investigazzjonijiet li saru l-Pulizija qed timxi fuq l-ipotesi li t-tfajla inqatlet wara li kienet stuprata minn gang sħiħ waqt il-festin.
L-istewarrdess tal-Philippines Airlines marret fil-lukanda City Garden fil-belt ta’ Makati fil-Filippini flimkien ma’ kollegi tagħha.
Jidher li wieħed mill-kollegi tagħha Rommel Galida, qam għal ħabta tal-10.00 ta’ filgħodu u nnota li Christine kienet fil-banju.
Hu dehrlu li kienet rieqda u għattiha b’kutra. Jidher li hu imbagħad qam xi sigħat wara u sab li kienet għadha hemm u kienet għadha mitlufa minn sensiha.
Hu mill-ewwel ċempel għall-għajnuna u dan hekk kif hi bdiet tibdel il-kulur u ssir blu. Hi ingħatat CPR iżda kien kollu għalxejn.
Dwar il-każ saret awtopsja minħabba li instabu tbenġil u anke xi feriti fuq ġisimha. Wara sar magħrufli sar party. bejn għaxar minn nies. L-investigaturi qed jippruvaw jistabbilixxu jekk dan hux każ ta’ stupru minn gang sħiħ.
