Il-partitarji ta’ Hajduk Split qanqlu kontroversja wara li kantaw innijiet favur Adolf Hitler u slogans antisemitiċi qabel il-konfront kontra Ajax fil-UEFA Conference League fil-Kroazja.
Membri tal-grupp ta’ partitarji Torcida dehru jkantaw slogans kontra l-Lhud waqt purċissjoni fit-toroq ta’ Split, fejn intwera wkoll tebut falz bl-isem ta’ Ajax. L-inċident ġie kkundannat mill-ogħla awtoritajiet Kroati u mill-Ambaxxata Iżraeljana, filwaqt li l-pulizija arrestat mill-inqas 12-il persuna b’rabta mal-każ.
Il-partita ġiet interrotta għal madwar 12-il minuta minħabba murtali u oġġetti li ntefgħu fil-ground.
Minkejja t-tensjoni, Hajduk Split rebħu il-konfront bl-iskor ta’ 2-1. Il-club għamel apoloġija għall-imġiba ta’ bosta partitarji tiegħu u esprima r-rieda li jiffaċċja l-konsegwenzi tal-inċident.
