Minn Cristian Muscat
Kif bdiet l-imħabba tiegħek lejn il-waterpolo?
Meta kont żgħir xi tfal kienu jilagħbu l-waterpolo fil-Lag Balaton fl-Ungerija u jien ingħaqadt magħhom u ħassejtni komdu ħafna bil-ballun fl-ilma. Allura kont għidt lil ommi biex teħodni għal sessjonijiet tal-waterpolo.
Kif qed tħarsu lejn il-Kampjonat tas-Sajf bħala Sirens ASC u x’inhuma t-tragwardi tagħkom, speċjalment wara l-bidu ta’ staġun mill-aqwa li kellkom fil-President’s Cup?
Nittama li nkunu nistgħu nikkompetu mat-“tliet timijiet il-kbar” (Sliema, San Ġiljan u Neptunes). Jekk jirnexxielna negħlbuhom ftit drabi matul is-sajf u t-tim ikun qed jitjieb, inkun kuntent.
Issa li lgħabt tliet partiti f’pajjiżna għal Sirens ASC, kif tqis il-livell tal-waterpolo Malti?
Il-livell huwa wieħed sodisfaċneti u anke l-fiżikalità tal-players. Forsi nnutajt ftit aktar żbalji fit-teħid tad-deċiżjonijiet mill-players.
U dak tar-riżorsi (Pixxina Nazzjonali) fejn tilagħbu l-logħob kompetittiv tagħkom?
Il-Pixxina Nazzjonali hija mill-aqwa. Fil-fatt diġà lgħabt ftit logħbiet mat-tim nazzjonali Ungeriż u anke fuq bażi ta’ klabb u nħobb nilgħab ħafna f’din il-Pixxina.
Iddeskrivi l-esperjenza preżenti tiegħek ma’ Olympiacos.
Huwa tim mill-aqwa bi players tajbin ħafna.
X’tikkummenta fuq il-Final 4 taċ-Champions League li saret proprju f’pajjiżna u li fiha temmejtu fir-raba’ post?
Ridna niksbu mill-inqas midalja allura jien ftit diżappuntat imma rridu nitgħallmu minn dawn it-telfiet.
Fil-waterpolo, kemm huwa importanti wkoll li tkun għawwiem tajjeb?
Kull attribut fiżiku huwa tant importanti għall-waterpolo tal-lum, għalhekk l-għawm huwa wieħed mill-partijiet ewlenin.
Kif tarak minn hawn u 10 snin oħra?
Nixtieq nibqa’ f’dan l-isport, għadni ma nafx, ifisser li se nkun kowċ jew xi ħaġa oħra, imma żgur li nista’ nara lili nnifsi madwar il-pixxina.
Għaddi messaġġ finali lil min jixtieq jagħmel karriera ta’ success fil-waterpolo.
Il-waterpolo huwa sport sabiħ u diffiċli li joħloq karattri tassew tajbin għal ħajjithom kollha … għalhekk kun ħaddiem iebes u gawdi l-logħba!