Sunday, December 10, 2023

Investigazzjoni b’rabta mal-mewt ta’ raġel fiż-Żejtun

Brian Gatt
Brian Gatt
Ġurnalist

Aqra wkoll

Il-Pulizija qiegħda tinvestiga dwar il-mewta ta’ raġel li nstab mitluf minn sensih waqt li kien qiegħed jagħmel xi xogħol fiż-Żejtun.

Mill-ewwel investigazzjonijiet illi saru jidher li l-każ seħħ għall-ħabta tal-11 a.m meta ħaddiem sab lill-vittma mitluf minn sensih waqt li kienu qegħdin jagħmlu xi xogħol fuq il-faċċata ta’ residenza.

Minnufih issejjaħ tim mediku u ambulanza mill-Isptar Mater Dei, iżda sfortunatament ir-raġel kien iċċertifikat mejjet fuq il-post.

Issejħu wkoll pumpiera mid-Dipartiment tal-Protezzjoni Ċivili u uffiċjali mill-Enemalta li qegħdin jassistu fl-istess investigazzjoni.

B’rabta mal-każ infetħet inkjesta li mistennija tistabbilixxi x’seta’ wassal għall-mewt tar-raġel għalkemm skont l-ewwel indikazzjonijiet jidher li miet kawża naturali.

Sport