Serb ta’ 41 sena residenti San Pawl il-Baħar weġġa’ gravi wara li tilef il-kontroll tal-mutur u waqa’. Flimkien miegħu kien hemm tifel ta’ disa’ snin li weġġa’ ħafif.
L-inċident seħħ ilbieraħ għall-ħabta tas-6.00p.m. fi Triq il-Mosta, San Pawl il-Baħar.
Huma ngħataw l-assistenza minn tim mediku u ttieħdu l-Isptar Mater Dei b’ambulanza.
L-investigazzjonijiet tal-Pulizija għadhom għaddejjin.