Il-Pulizija kkonfermat li dalgħodu nstab katavru qrib Filfla, ‘il barra minn Wied iż-Żurrieq.
Huwa mifhum li kien għall-ħabta tal-10.30a.m meta l-Pulizija daħlilha rapport li kien intlemaħ dan il-katavru.
Minnufih issejħet l-għajnuna tal-Forzi Armati ta’ Malta biex ikunu jistgħu jtellgħu l-katavru mill-baħar iżda m’għandhomx iktar dettalji dwar l-identità tal-persuna konċernata.