Hekk kif Juan Cuadrado telaq lil Juventus sabiex ingħaqad ma’ Inter u eventwalment ġie ppreżentat min-Nerazzurri, sar magħruf li l-plejer Kolombjan se jkun qed jilgħab bil-flokk numru 17. L-aħħar plejer li libes dan in-numru tal-flokk kien Yann Karamoh li pero’ m’għadux magħhom.
Sadanittant, hemm numru ta’ partitarji Interisti li għadhom ma jistgħux jaċċettaw kif plejer ta’ Juventus ingħaqad magħhom, għalkemm oħrajn qalu li dan l-akkwist jista’ jkun importanti għan-naħa leminija tal-grawnd.
