Thursday, March 28, 2024

Judoka ieħor jirtira biex ma jiffaċċjax lill-Iżraelit Tohar Butbul

Aqra wkoll

It-tieni atleta tal-judo rtira mill-Olimpjadi biex ma jaffrontax lil Tohar Butbul ta’ Iżrael fil-kategorija tat-73 kg.

Uffiċjali Olimpiċi qalu li Mohamed Abdalrasool tas-Sudan ma deherx biex jiffaċċja lil Butbul fir-round ta’ 32 minkejja li kien qed jintiżen qabel il-ġlieda. 

Il-Federazzjoni Internazzjonali tal-Judo ma ħabbritx immedjatament ir-raġuni għaliex Abdalrasool ma kkompetiex u l-korp governattiv ma rrispondiex għal talbiet għal kummenti. Uffiċjali Olimpiċi Sudaniżi wkoll ma kkummentawx.

Fethi Nourine tal-Alġerija kien ntbagħat id-dar mil-Logħob ta’ Tokjo u ġie sospiż mill-IJF nhar is-Sibt wara li rtira biex jevita li jaffronta lil Butbul.Nourine kellu jiffaċċja lil Abdalrasool biex ir-rebbieħ jilgħab kontra l-istess Butbul.

Ekonomija

Sport