Juventus ressqet appell quddiem il-Qorti Suprema fl-Italja kontra deċiżjoni dwar il-pagi dovuti lil Cristiano Ronaldo matul il-pandemija tal-Covid-19.
Il-każ jirrigwarda madwar €19.6 miljun mitluba mill-attakkant Portugiż. Fis-17 ta’ April 2024, tribunal tal-arbitraġġ kien ordna lil Juventus iħallsu €9.8 miljun, nofs is-somma mitluba, flimkien mal-imgħaxijiet u r-rivalutazzjoni monetarja.
Il-club kien ħallas din is-somma fl-istaġun finanzjarju 2023/24, iżda mbagħad appella kontra d-deċiżjoni.
Fit-13 ta’ Jannar 2026, il-Qorti ta’ Turin ċaħħdet l-appell u ordnat lil Juventus iħallsu wkoll madwar €80,000 fi spejjeż legali.
Issa l-club qed jistenna d-data tas-seduta quddiem il-Qorti Suprema, bit-tama li d-deċiżjoni tinbidel.
