L-Amerikani qegħdin jittamaw li jerġgħu jiftħu l-pajjiż fi żmien qasir u dan jidher li se jsir bl-għajnuna ta’ Amazon li mistennija twasslilhom konsenja importanti.
Fil-fatt, Forbes żvela li waħda mill-akbar ordnijiet li qatt saru fuq Amazon se tkun dik mill-White House fejn talab biex jinxtraw termometri infrared bil-valur ta’ $12.8 miljun. Il-Gvern Amerikan qed jgħid li dawn se jintużaw fil-preparamenti biex l-Amerika tiftaħ wara l-pandemija li waqqfet il-pajjiż kollu.
Skont Forbes, dan il-kuntratt ingħata minn wieħed mill-aġenziji Amerikani li qed jirrispondu għall-COVID-19, jiġifieri l-Federal Emergency Management Agency. Jidher li l-kuntratt juri li l-pagament sar lil Amazon wara ordni diretta mill-uffiċċju ta’ Trump.