Liam Delap huwa l-aħħar prodott tal-akkademja ta’ Manchester City li għamel isem għalih wara li nhar il-Ħadd skorja doppjetta għal Ipswich Town fil-Premier League.
It-tlestija eċċellenti tal-attakkant ta’ 21 sena għenet lit-team ta’ Kieran McKenna jikseb draw ta’ 2-2 kontra Aston Villa, team li jinsab fil-forma, u kompla l-bidu pożittiv tiegħu f’Portman Road minn meta ngħaqad mingħand is-City fi ftehim li jista’ jiswa sa £20 miljun.
Delap huwa l-aħħar talent żagħżugħ li jiddi fil-livell tal-elite wara li għamel progress permezz tal-Elite Development Squad (EDS) tas-City – sistema li qabel kienet immexxija bi tkabbir ta’ innovazzjoni mill-manager attwali ta’ Chelsea, Enzo Maresca.
L-EDS twaqqfet biex toħloq pont bejn l-akkademja tal-club u l-ewwel team, fl-aħħar snin għen lill-internazzjonali Ingliżi, Phil Foden, il-player renjanti tal-Premier League tal-istaġun, u l-iskorer finali tal-Euro 2024, Cole Palmer, jidħlu fl-iskwadra ta’ Pep Guardiola.
Iddisinjat biex jew jipprepara talent tal-ogħla klassi għall-iskwadra ewlenija tas-City jew biex jiżgura qligħ kbir, il-bejgħ ta’ EDS u players li mhumiex fl-ewwel team ġab aktar minn £500 miljun lill-club mill-wasla ta’ Guardiola fl-2016.
Dan huwa sinifikanti għaliex, meta l-clubs ibigħu gradwati tal-akkademja, l-ammont kollu jiġi reġistrat bħala ‘profitt pur’ fil-kontijiet tagħhom, u jgħin biex jintlaħqu r-regoli stretti tal-profitt u s-sostenibbiltà tal-ogħla livell.
L-eks coach taż-żgħażagħ ta’ Manchester City, Brian Barry-Murphy, li ħa post Maresca bħala l-manager tal-EDS tas-City fl-2021, qal li s-City issa “jarawh bħala t-Team B”.
“Preċedentement kienu dehru bħala team tal-akkademja. Enzo ssepara dak – hu poġġih lil hinn mill-akkademja u qabel l-ewwel team, fejn kienu kważi fi tranżizzjoni,” qal Barry-Murphy.
FEJN SPIĊĊA T-TALENT
TA’ MANCHESTER CITY?
L-internazzjonali tal-Ingilterra U/21, Delap, iben l-eks midfielder ta’ Stoke u l-Irlanda, Rory Delap, famuż għat-throw-ins fit-tul, għamel żewġ dehriet ma’ Manchester City fil-Premier League u qatta’ l-istaġun li għadda b’self ma’ Hull City fiċ-Championship, fejn skorja tmien goals fi 32 logħba.
Bi tliet goals f’sitt logħbiet tal- Premier League li beda dan l-istaġun, mhuwiex l-uniku eks player taż-żgħażagħ tas-City li diġa’ ħabbar lilu nnifsu dan l-istaġun.
Morgan Rogers, li skorja kontra Ipswich nhar il-Ħadd, sar jibda regolari għal Aston Villa wara trasferiment minn Middlesbrough fi Frar, filwaqt li Jamie Gittens ta’ 20 sena, skorja darbtejn fiċ-Champions League għal Borussia Dortmund ix-xahar li għadda.
Palmer qed jilgħab ma’ Chelsea wara t-trasferiment tiegħu ta’ £42.5 miljuni fl-2023, u sar l-ewwel player li skorja erba’ goals fl-ewwel taqsima f’logħba tal-Premier League nhar is-Sibt li għadda.
Dan huwa l-ogħla bejgħ ta’ ‘Team B’ tas-City s’issa, segwit mill-£25.8 miljuni li Borussia Dortmund ħallsu għal Yan Couto, filwaqt li Kelechi Iheanacho, Romeo Lavia, Brahim Diaz, Angelino, Jadon Sancho u Delap kollha marru għal somom kbar ukoll.
Players b’konnessjonijiet mal-EDS tas-City jistgħu jinstabu fl-aqwa kampjonati Ewropej, Diaz ma’ Real Madrid u Jeremie Frimpong maċ-champions tal-Bundesliga, Bayer Leverkusen.
Qabel ma kiser għadma f’siequ f’Awwissu, Oscar Bobb, 21 sena, impressjona għat-team ta’ Guardiola waqt il-pre-season u jidher li se jkun stilla oħra.
Manchester City huma kburin bil-fatt li daħħlu aktar minn £500 miljun mill-bejgħ ta’ dawn il-players fl-aħħar tliet staġuni.
Dan jissottolinja l-mod kif Pep Guardiola żied il-valur tal-iskwadra tiegħu billi kiseb suċċess, iżda juri wkoll li qabel kollox is-City jirreklutaw tajjeb – u dan ma jfissirx biss fl-ewwel team.
Romeo Lavia kellu 16-il sena meta ħalla lil Anderlecht għas-City. Jadon Sancho kellu 14-il sena meta mar lejn it-tramuntana mingħand Watford.
Cole Palmer kien partitarju tat-tfulija ta’ Manchester United iżda spiċċa fl-akkademja tas-City. Liam Delap kien f’Derby meta s-City lemħuh bħala żagħżugħ.
Kienu kollha talent eċċezzjonali. Iċ-ċansijiet kienu li ma kinux kollha se jilagħbu regolarment mas-City.
Iżda billi jkunu mħarrġa tajjeb, iggwidati kif suppost u jingħataw l-edukazzjoni t-tajba, kollha setgħu jaslu f’punt fejn jistgħu jiffjorixxu b’mod spettakolari band’oħra.
Huwa żvilupp taż-żgħażagħ tal- ewwel grad. Huwa wkoll dħul utli ħafna għal wieħed mill-ftit clubs li m’għandhomx għalfejn jisħqu dwar li jissodisfaw ir-regoli tal- profitt u s-sostenibbiltà tal-Premier League.