Hekk kif kompla l-ġlied dwar ir-reġjun ta’ Nagorno-Karabakh, l-Ażerbajġan akkuża lill-Armenja li qed jattakka bliet li jinsabu ferm ’il barra miz-zona tal-kunflitt.
Hikmet Hajiyev, konsulent għall-President tal-Ażerbajġan Ilkham Aliyev, ilbieraħ qal li l-Armenja wettqet attakki missilistiċi fuq il-bliet ta’ Ganja u Mingachevir.
Ganja, li hija t-tieni l-akbar belt fl-Ażerbajġan, tinsab madwar 100 kilometru ’l bogħod minn Stepanakert, il-kapitali tar-reġjun Nagorno-Karabakh. L-istess ħaġa jingħad għal Mingachevir.
Il-ġlied bejn l-Armenja u l-Ażerbajġan dwar ir-reġjun bdew fis-27 ta’ Settembru li għadda, b’għexieren rapportati li mietu fil-ġlied.
Hajiyev qal li fl-attakki ma saritx ħsara serja fl-infrastruttura ta’ Mingachevir. Madankollu tenna li kien hemm persuni ċivili li ndarbu f’dawn l-attakki.
Huwa kkonferma wkoll li l-qawwiet Armeni wettqu wkoll attakki missilistċi fuq ir-reġjuni ta’ Khizi u Absheron fl-Ażerbajġan.
Results of Armenia's massive missile attacks against dense residential areas in Ganja city. Azerbaijan retains its right to take adequate measures against legitimate military targets to defend civilians and enforce Armenia to peace. 4 new missile just hit Ganja. pic.twitter.com/GInYCJyJc6
— Hikmet Hajiyev (@HikmetHajiyev) October 4, 2020
