Ir-Re Karlu III li bħalissa qiegħed jagħmel żjara statali fl-Istati Uniti qal li ż-żewġ pajjiżi dejjem sabu mezz kif jaħdmu flimkien.
Ir-Re Karlu indirizza l-Kungress tal-Istati Uniti fejn fid-diskors tiegħu pprova jtaffi ftit mit-tensjoni li hemm bejn iż-żewġ pajjiżi wara li l-Prim Ministru Keir Starmer ma qabilx mal-proposta tal-President Donald Trump biex jidħol fi gwerra mal-Iran.
Din hija l-ewwel żjara tiegħu li r-Re Karlu III u r-Reġina Camilla qegħdin jagħmlu fl-Istati Uniti. L-aħħar żjara mill-familja Rjali fl-Istati Uniti kienet saret fl-2007 dakinhar mir-Reġina Eliżabetta.
