Il-President Donald Trump qal li l-Istati Uniti se tibgħat mal-5,000 suldat addizzjonali lejn il-Polonja. Trump ħabbar dan, ġimgħa wara li l-Pentagon ikkanċella l-fatt li l-pajjiż kellu jilqa’ mal-4,000 suldat.
F’kitba fuq Truth Social, Trump qal li d-deċiżjoni kienet ibbażata fuq ir-relazzjoni tal-Istati Uniti mal-President Pollakk Karol Nawrocki, li kien ta’ appoġġ għal Trump waqt l-elezzjonijiet presidenzjali tas-sena l-oħra.
Il-White House indikat f’dawn l-aħħar ġimgħat li beħsiebha tnaqqas il-livelli ġenerali tat-truppi tagħha fl-Ewropa bħala parti mill-aġenda tagħha “America First”.
Aktar kmieni dan ix-xahar, l-Istati Uniti ħabbret ukoll li se tirtira 5,000 suldat mill-Ġermanja wara argument bejn Trump u l-Kanċillier Ġermaniż Friedrich Merz dwar il-gwerra mal-Iran.