F’La Liga, Atletico Madrid sfaw umiljati minn Athletic Club bl-iskor ta’ 3-0, wara prestazzjoni dominanti fit-tieni taqsima.
L-ewwel 45 minuta spiċċaw mingħajr goals, iżda wara l-mistrieħ Athletic ħarġu fuq l-offensiva u fetħu l-iskor appena għaddiet minuta.
Nico Williams poġġa lit-team tiegħu fil-vantaġġ, qabel ma Roberto Navarro rdoppja l-iskor fit-48 minuta wara azzjoni li kienet tinkludi lil Inaki Williams.
Atletico tħabtu biex isibu risposta u ma setgħux joħolqu biżżejjed periklu quddiem il-lasta. Athletic komplew jikkontrollaw il-logħba u żammew lid-difiża organizzata biex ma jħallux lill-avversarji jidħlu fil-logħba.
Fit-90 minuta, Oihan Sancet skorja t-tielet goal u kkonferma rebħa komda għall-club Bask.
Ir-riżultat kien wieħed diżappuntanti għal Atletico, filwaqt li Athletic jistgħu jkomplu jibnu fuq din il-prestazzjoni.
