Iċ-champions Spanjoli Real Madrid bdew id-difiża tat-titlu b’rebħa ta’ 2-1 għand it-team promoss ta’ Almeira.
Peró huma kellhom idawru telfa f’rebħa biex ħadu t-tliet punti wara li kienu dawn tal-aħħar li fetħu l-iskor wara biss sitt minuti minn Largie Ramzani.
Minkejja li l-Madrileni ddominaw għal ħafna ħinijiet, kellhom jistennew sal-61 minuta biex kisbru d-draw meta kien Lucas Vazquez li xeħet fix-xibka wara li rċieva mingħand Karim Benzema.
U mbagħad fil-75 minuta, kien is-sostitut David Alaba li ta t-tliet punti lit-team immexxi mill-coach, Carlo Ancelotti.
Huwa kien ilu fil-ground ftit sekondi biss meta daħal jilgħab minflok Ferland Mendy. Huwa skorja ġmiel ta’ goal minn free-kick li ma ta l-ebda ċans lill-goalkeeper Fernando Martinez jsalva.
