L-edizzjoni ta’ Ħad-Dingli tal-Hudson Race Series ġibdet folla tajba nhar il-Ħadd li ghadda hekk kif nurmu sostanzjali t’atleti ħadu sehem f’waħda mill-aktar tlielaq ta’sfida tas-Serje minħabba li fiha numru ta’tlajja.
It-tiġrija tal-10k rat lil Leon Chetcuti u Mark Herrera jiġru spalla ma’ spalla mill-bidu nett tat-tellieqa, b’Chetcuti jaqbeż lil Herrera fl-aħħar ftit metri biex jirbaħ, b’distakk ta’ sekonda biss Fit-tielet post spiċċa Heathcliff Vella.
It-tiġrija tan-nisa ntrebħet minn Josann Attard Pulis li marret fil-vantaġġ mill-bidu u żammet postha sa’ l-aħħar. Hija kienet segwita minn Jolene Detbattista, li spiċċat fit-tieni post, filwaqt li Caroline Ciappara ħadet it-tielet post.
Brandon Saliba rebaħ it-tiġrija tal-5k. Thurstan Dimech u Stefan Sultana ssieltu għat-tieni post, b’sekonda biss tifred lil Dimech u Sultana. Sultana spiċċa fit-tielet post.
Charyl Fava ħarġet rebbieħa tat-tellieqa ta’ 5 km, hija ħadet il-vantaġġ mill-bidu iżda kellha sfida tajba mingħand Veronika Kersyte. Fit-tielet post spiċċat Norah Zammit li wkoll tat prestazzjoni tajba.
Il-premjijiet u trofej ingħataw lir-rebbieħa mid-Direttur tat-Tellieqa Charlie Demanuele, li feraħ lir-rebbieħa. Demanuele kompla billi rringrazzja lill-atleti tal-preżenza kontinwa tagħhom kif ukoll lil Hudson Holdings għall-appoġġ kontinwu li jipprovdu.
L-organizzaturi jirringrazzjaw ukoll lill-Kunsilli Lokali ta’ Ħad-Dingli u tar-Rabat, lill-Pulizija tad-Distrett tar-Rabat, lil Transport Malta, lit-timijiet mediċi u lill-uffiċjali tat-tellieqa għall-kontribut tagħhom lejn din it-tellieqa.
It-tiġrija li jmiss tal-Hudson Race Series se ssir il-Ħadd 1 ta’ Settembru f’Burmarrad.
Hudson Race Series Dingli Edition – Riżultati
| 10km | 5km | ||||
| Irgiel | Nisa | Irġiel | Nisa | ||
| 1st | Leon Chetcuti (35.11) | Josann Attard Pulis (42:04) | Brandon Saliba (17:51) | Charyl Fava (20:05) | |
| 2nd | Mark Herrera (35.12) | Jolene Debattista (45:12) | Thurstan Dimech (18:11) | Veronika Kersyte (20:44) | |
| 3rd | Heathcliff Vella (38:26) | Caroline Ciappara (47:49) | Stefan Sultana (18:21) | Norah Zammit (23:15) | |
| Gruppi tal-Eta’ | |||||
| 30-34 | Jeremy Curmi (41:54) | Jessica Vella ( 55:00) | Angel David Rincon (18:22) | Jessica Mifsud (29:39) | |
| 35-39 | Pierre Lindh (41:36) | Claudia Buhagiar (57:45) | Ryan Farrugia (18:50) | Lorna Mifsud (24:29) | |
| 40-44 | Jonathan Vella (45:32) | Sharon Caruana (49:17) | Clive Ferrante (18:59) | Cherylie Farrugia (26:32) | |
| 45-49 | Stefan Spiteri (39:08) | Roseanne Bonello (57:01) | Charlie Sciberras (23:58) | Daniella Caruana (29:59) | |
| 50-54 | Patrick Mintoff (45:35) | Carmen Scerri (56:21) | Claude Farrugia (22:56) | Michelle Spiteri (28:35) | |
| 55 – 59 | Matthew Montebello (50:09) | Matthew Pace (26:54) | Doris Farrugia (23:55) | ||
| 60+ | John Saliba (44:21) | Maria Delgado Betanzo 91:07:55) | George Schembri (25:02) | – | |
| 65-69 | Godwin Tonna (51:01) | – | John Attard Kingswell (27:32) | – | |
| 70+ | Nicholas Vassallo (1:08.01) | – | Domnic Farrugia (32:34) | – | |
