Liam Stewart ta’ 23 sena minn Tal-Pietà li jinsab akkużat li fil-pussess tiegħu kellu d-droga kannabis, ingħata l-ħelsien mill-arrest. Hu qiegħed jiġi akkużat ukoll b’rabta mas-serqa ta’ 132 kilo kannabis minn kontejner li kien taħt il-kustodja tal-Forzi Armati.
Id-difiża għamlet talba għall-ħelsien mill-arrest, bil-Qorti tilqa’ it-talba taħt depożitu ta’ €10,000 u garanzija personali ta’ €15,000 filwaqt li ordnatlu jiffirma kuljum l-għassa tal-Ħamrun.
Stewart qed jidhru għalih l-Avukati Franco Debono, Marion Camilleri u Adreana Zammit.
