Manchester United naqqsu l-interess tagħhom fil-midfielder ta’ Monaco, Aurelien Tchouameni qabel it-tieqa tat-trasferimenti tas-sajf li ġej.
Il-player ta’ 21 sena mistenni jħalli t-team tiegħu tal-Ligue 1 fi tmiem l-istaġun 2021-22, u numru ta’ clubs, fosthom Man United, Chelsea u Liverpool, ġew marbuta mas-servizzi tiegħu.
Madankollu, ir-Red Devils huma aktar interessati li din is-sena jġibu lil Amadou Haidara ta’ RB Leipzig jew lil Denis Zakaria ta’ Borussia Monchengladbach f’Old Trafford.
Donny van de Beek irrifjuta ċ-ċans li jingħaqad ma’ Newcastle United b’self dan ix-xahar minkejja li tħabat għall-azzjoni fl-ewwel nofs tal-istaġun 2021-22.
Intant, Paul Pogba mistenni jħalli Old Trafford bi free transfer fl-aħħar ta’ Ġunju, li jfisser li żewġ midfielders ċentrali ġodda jistgħu jaslu fil-club din is-sena.