Il-manager temporanju ta’ Manchester United, Ralf Rangnick, saħaq li Paul Pogba jinsab fil-pjanijiet tiegħu għat-tieni nofs tal-istaġun minkejja s-sitwazzjoni tal-kuntratt tal-midfielder f’Old Trafford.
Il-ftehim attwali tal-internazzjonali Franċiż mar-Red Devils għandu jiskadi fl-aħħar ta’ Ġunju, u jidher dejjem aktar improbabbli li se jkun qed jiffirma estensjoni mal-club.
Pogba issa rritorna għat-taħriġ wara li rkupra minn injury f’koxxtu u mistenni jagħmel ir-ritorn tiegħu mal-ewwel team kontra Middlesbrough fl-FA Cup fil-bidu ta’ Frar.
Rangnick sostna li r-rebbieħ tat-Tazza tad-Dinja tal-2018 kien “straordinarju” waqt is-sessjoni ta’ taħriġ ta’ nhar it-Tnejn, u l-Ġermaniż saħaq li se jilgħab kontra l-player ta’ 28 sena anke jekk irid jitlaq.