Mara u żewġt itfal kellhom jiddaħlu l-isptar wara li għall-ħabta tas-1.20pm kienu nvoluti f’inċident tat-traffiku fi Triq il-Mosta l-Iklin.
Kelliem għall-Pulizija qalet lil dan is-sit li l-mara, ta’ 43 sena residenti l-Mosta kienet qiegħda ssuq karozza Toyota Vitz u magħha kellha żewġt itfal minuri.
Għal xi raġuni kellha mpatt ma’ Toyota Hiace li kienet misjuqa minn raġel ta’ 45 sena residenti San Ġwann.
Fuq il-post mar tim mediku b’ambulanza biex jassisitu fejn ħadu lil mara u liż-żewġt itfal l-Isptar Mater Dei.
Il-kunidzzjoni tagħhom s’issa għadha mhix magħrufa filwaqt li l-pulizija qegħdin jinvestigaw dan l-inċident.