Marco Bezzecchi kiseb il-pole position tal-Grand Prix tal-MotoGP tal-Qatar wara prestazzjoni mill-aqwa fil-provi uffiċjali fiċ-ċirkwit ta’ Lusail.
Is-sewwieq Taljan tal-Aprilia stabbilixxa rekord ġdid taċ-ċirkwit b’ħin ta’ minuta u 50.028 sekonda, biex temm quddiem Marc Marquez b’distakk ta’ 0.266 sekondi. Din kienet il-ħames pole position tiegħu tal-istaġun.
Marquez, li qed jillidja l-klassifika tal-kampjonat, kellu jikkuntenta bit-tieni post fuq il-grid, filwaqt li Fabio Di Giannantonio kiseb it-tielet post u temm l-ewwel filliera.
Raul Fernandez kiseb ir-raba’ post quddiem Francesco Bagnaia, filwaqt li Ai Ogura kklassifika fis-sitt post.
Min-naħa l-oħra, Jorge Martin kellu sessjoni diffiċli u spiċċa fil-11-il post, riżultat li jista’ jikkomplika l-isfida tiegħu fit-taqtigħa għar-rebħ tat-titlu.
Għaldaqstant Bezzecchi se jibda t-tellieqa mill-ewwel post, bl-għan li jżomm ħajjin it-tamiet tiegħu għall-kampjonat u jnaqqas id-distakk minn Marquez.
