Tnax-il sena ilu, Courtney Rogers ta’ 36 sena żżewġet lil pastor Chris Rogers ta’ 32 sena u sentejn wara laqgħu fid-dinja l-ewwel wild tagħhom.
Minn dakinhar ’l hawn l-aktar perjodu li għamlet mingħajr ma kienet tqila kien dak ta’ disa’ xhur. Sa mill-2010, il-mara li taħdem bħala mara tad-dar welldet għaxart itfal u mhux beħsiebha tieqaf qabel ikollha tnax. Konferma ta’ dan hija t-tarbija li din il-mara qiegħda tistenna biex tħaddan magħha f’Novembru li ġej li se tkun il-11-il tarbija u l-ħames tifla tagħha.
Il-familja Rogers tgħix f’razzett ta’ 12-il ettaru fi New Mexico s’issa tikkonsisti f’sitt subien, erbat ibniet, l-omm u l-missier. Interessanti li kull membru fil-familja għandu ismu jibda bl-ittra C.
Il-koppja taqsam l-esperjenzi tagħha fuq is-siti soċjali u skont waħda mill-kitbiet tagħhom, tant huma mħabbtin irabbu li jkollhom biss ċans joħorġu jieklu waħidhom darba fis-sena. L-omm stqarret ukoll il-biża’ tagħha li titlef it-tarbija minħabba li l-ewwel tarbija li kellu jkollhom, iżda kellha korriment ta’ ħames xhur mill-bidu tat-tqala.
Wara l-korriment hi kellha lil Clay, Cade, Callie, Cash, it-tewmin Colt u Case, Calena, Caydue u Coralee.
